Sot në Kosovë pritet të mbajë mot kryesisht me diell dhe shumë i nxehtë. Pas uljes së lehtë të temperaturave pritet që vapa e fuqishme të intensifikohet përsëri.
Temperaturat parashihet të luhaten nga 17 minimalja deri në 35 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell dhe shumë i nxehtë veror. Pasdite rrallë në disa zona malore do të ketë disa zhvillime konvektive me ndonjë rrebesh të izoluar shiu me vetëtima dhe bubullimë. Në pjesën më të madhe të territoreve tona nuk priten reshje.
Të premten dhe të shtunën edhe më nxehtë në të gjitha viset tona. E Premtja pasdite pritet të kushtëzojnë rrebeshe të izoluara në viset malore me vetëtima dhe bubullimë, kurse të shtunën pasdite parashihet destabilizim i fuqishëm i motit me zhvillime intensive konvektive me rrebeshe lokale shiu me vetëtima dhe bubullimë dhe mundësi për breshër. Paraditja dhe mesdita e së shtunës do të jenë shumë të nxehta para ardhjes së vranësirave të stuhive lokale me breshër.
Edhe të dielën nxehtë, por pak më freskët. Pasdite priten rrebeshe lokale shiu me vetëtima dhe bubullimë.
Pra, deri në fundjavë shumë nxehtë dhe pa reshje. Vapa e fuqishme vazhdon edhe në fundjavë, por me mundësi reale për stuhi me bubullima orëve të pasdites eventualisht mbrëmjes./MeteoBallkan
