Nesër në Kosovë pritet të kemi shumë vranësira, por edhe intervale kohore me diell. Temperaturat do të shënojnë rritje të lehta. Do të fryjnë erëra të freskëta e të ftohta nga veriu e verilindja.
Minimalja parashihet të zbres deri në 4 gradë Celsius, kurse maksimalja pritet të shkojë deri në 15 gradë Celsius.
Në Shqipëri nesër pritet të mbajë mot kryesisht me diell dhe stabil, por mjaft i freskët. Vranësira priten në viset kontinentale si në veri e lindje të vendit, kryesisht në zonat malore.
Më shumë vranësira nesër priten edhe në shumë pjesë të Maqedonisë së Veriut, por kryesisht pa reshje atmosferike, ndërkohë që priten edhe intervale kohore me diell, ngjashëm sikurse në Luginë të Preshevës, ndërsa në Mal të Zi pritet mot kryesisht me diell dhe jo i nxehtë.
Mot pa reshje atmosferike na pret edhe ditëve të ardhshme, ndërkohë që temperaturat do të shënojnë rritje të lehta. Në Kosovë dhe pjesë të Maqedonisë së Veriut do të ketë më shumë vranësira e të Premten edhe mundësi për reshje të dobëta shiu. Në Shqipëri e Mal të Zi më shumë diell, por jo aq nxehtë./MeteoBallkan
