Sot në Kosovë na pret mot plotësisht i vranët dhe me reshje të dobëta ose të imëta shiu e bore në viset e larta malore. Reshje do të jenë të karakterit lokal dhe do të vinë duke u dobësuar gjithnjë e më shumë.
Temperaturat parashihet të lëvizin nga 3 minimalja deri në 12 gradë Celsius ajo maksimale, pra do të kemi rritje të lehta të temperaturave ditore.
Në Shqipëri nga perëndimi i vendit do të vjen kthjellimi i motit dhe priten periudha të gjata me diell dhe stabilizim i motit, por vranësirat mbesin prezente në lindje dhe veri të vendit me ndonjë reshje sporadike dhe krejtësisht të dobët.
Vranësira më të shumta nesër priten në Maqedoninë Veriore me mundësi që disa rajone të kenë intervale kohore me diell. Vranësira të dendura nesër do të vazhdon të ketë në Luginën e Preshevës dhe veri të Malit të Zi e periudha me diell do të fillojnë në jug të Malit të Zi. Reshjet do të jenë të dobëta aty ku eventualisht mund të ndodhin.
Vranësira lokalisht mjaft të shumta do të vazhdojnë edhe të entjen në pjesën më të madhe të Kosovës dhe Maqedonisë së Veriut, ndërkohë që periudhat me diell do të ketë në shumë pjesë të Shqipërisë.
Nga e Premtja dielli do të fillojë të shfaqet edhe në Kosovë dhe pritet përmirësim i motit dhe rritje e temperaturave ditore, por njëkohësisht ulje e temperaturave të natës dhe mëngjesit./MeteoBallkan
