Sot moti në territorin e Republikës së Kosovës është stabilizuar dukshëm dhe kemi edhe intervale të gjata kohore me diell. Në këto momente në shumicën e territorit të Republikës së Kosovës, Shqipërisë dhe Maqedonisë së Veriut po mban mot kryesisht stabil por i freskët. Megjithatë në disa rajone në Shqipëri ka riga shiu , kurse në Maqedoninë e Veriut ka edhe rrebeshe të izoluara shiu me vetëtima dhe bubullimë. Mot kryesisht stabil dhe me diell sot po mban edhe në Ulqin dhe trojet tjera tona në Mal të Zi.
Gjatë pasdites së vonshme dhe mbrëmjes nuk përjashtohet mundësia që të kemi zhvillime të zioluara vranësirash të cilat do të sjellin riga, apo edhe rrebeshe shiu, ndërsa reshjetshiu mund të ketë edhe gjatë natës dhe mëngjesit të nesërm në Kosovë. Gjatë ditës së nesërme atmosfera do të jetë shumë më aktive se sa sot ku do të kemi edhe rrebeshe të cilat lokalisht do të jenë të fuqishme, të përcjellura me vetëtima bubullimë si dhe mundësi edhe për breshër./Meteoballkan
