Nesër në Kosovë do të kemi mot me diell, mjaft të këndshëm dhe stabil, por me zhvillim lokal vranësirash reshje nuk pritet të ketë. Temperaturat do të shënojnë ngritje të theksuar krahasuar me ditët që po lëmë pas. Pra, pritet një ditë e vërtetë pranverore e cila mund të shfrytëzohet edhe me shëtitje në natyrë.
Ngritje të temperaturave do të ketë në tërë rajonin, pra në bregdetin shqiptar, megjithatë duhet ta dini se nuk do të jetë gjatë tërë kohës mot i kthjellët sepse priten vranësira kalimtare, por kjo nuk do të thotë se nuk do të jetë mot i këndshëm.
Të dielën mot edhe më i nxehtë në tërë rajonin ku temperaturat pritet të kulmojnë dhe të tejkalojnë edhe shifren 25 gradë celsius. Pra e diela do të jetë ditë verore, megjithatë priten erëra mesatare të herëpashershme dhe në disa rajone në Kosovë mund të ketë zhvillim vranësirash me rrebeshe të izoluara të shiut me vetëtima dhe bubullimë.
Në fund të theksojmë se përkundër ngirtjes së temperaturave, ende nuk mund të themi se do të kemi stabilitet afatgjatë në kushtet atmosferike, pra moti i mirë dhe stabil nuk ka garanci se do të zgjasë shumë. Të paktën kështu thonë ecuritë aktuale sinoptike për të cilat në do tju mbajmë të informuar me postimet tona të rregullta./Meteoballkan
