Nesër në Kosovë do të mbajë mot i ndryshueshëm, me intervale kohore me diell e pastaj gjatë ditës me zhvillim vranësirash të cilat vende-vende do të sjellin rrebeshe shiu me vetëtima dhe bubullimë. Reshjet nuk do të jenë gjithëpërfshirëse, pra në disa rajone do të ketë reshje, kurse disa rajone mund të mbesin pa reshje.
Në Shqipëri nesër mot me diell dhe vranësira në shumicën e territorit, ndërsa rrebeshe lokale shiu me vetëtima dhe bubullimë parashihen në veri dhe verilindje të vendit.
Në shumicën e territorit të Maqedonisë së Veriut nesër pritet të ketë mot jostabil me intervale kohore me diell dhe zhvillim vranësirash të cilat do të sjellin rrebeshe lokale shiu me vetëtima dhe bubullimë.
Mot jostabil do të mbajë nesër edhe në Mal të Zi, ku herë pas here priten rrebeshe lokale shiu me vetëtima dhe bubullimë.
Të premtën në tërë rajonin pritet mot i ngjashëm, me intervale kohore me diell dhe zhvillim vranësirash të cilat do të sjellin rrebeshe lokale shiu me vetëtima dhe bubullimë. Vetëm jugu dhe perëndimi i Shqipërisë sipas parashikimeve do të mbetet pa reshje atmosferike.
Të shtunën në Shqipëri mot kryesisht me diell dhe i nxehtë, ndërsa në Kosovë, Maqedoninë Veriore dhe Mal të Zi ka gjasa që të ketë rrebeshe afatshkurtëra të izoluara shiu./Meteoballkan
