Në këto momente kemi destabilizim të pjesshëm të atmosferës mbi Kosovë, Shqipëri dhe Maqedoninë e Veriut. Rrebeshe të izoluara shiu në këto momente kemi në veri të Kosovës, jug dhe juglindje të Kosovës gjithashtu. Rrebeshet nuk përfshijnë sipërfaqe të mëdha dhe ka në shumë rajone ka vetëm vranësira pa reshje dhe me rreze diellore.
Rrebeshe të izoluara shiu ka edhe në Maqedoninë e Veriut dhe në jug të Malit të Zi, kurse rrebeshe pak më të organizuara shiu me vetëtima dhe bubullimë ka në disa rajone në qendër dhe lindje dhe verilindje të Shqipërisë.
Në vazhdim të ditës në tërë rajonin do të vazhdojnë zhvillime vranësirash të cilat vende-vende do të sjellin rrebeshe të izoluara shiu me vetëtima dhe bubullimë. Reshjet normalisht nuk do të jenë gjithëpërfshirëse por vetëm vende-vende./Meteoballkan
