Fillimi i muajit të shenjtë të Ramazanit ishte me mot të freskët, mjaft jostabil dhe me reshje shiu. Moti ishte i ngjashëm edhe gjatë shumicës së ditëve të muajit të shenjtë të Ramazanit dhe siç duket ashtu edhe do të përfundojë. Masa ajrore mjaft të paqëndrueshme kanë qenë aktive dhe të pranishme mbi rajonin tonë që nga fillimi i muajit të Ramazanit. Gjithashtu edhe temperaturat ishin mjaft të ulëta në krahasim me periudhën kohore në të cilën gjendemi.
Me fillimin e festësë së Fitër Bajramit pritet që temperaturat të ngriten, megjithatë atmosfera do të destabilizohet posaqërisht pasditeve ku do të ketë kushtë për zhvillime vranësirash me rrebeshe lokale shiu me vetëtima dhe bubullimë.
Cikloni i cili ishte përgjegjës për motin e paqëndrueshëm të ditëve të fundit tani po përmbushet dhe po dobësohet. Nga perëndimi i Kontinentit po fillon të ngritet presioni atmosferik. Edhe pse do të kemi dobësimin dhe përmbushjen e ciklonit mbi rajonin tonë do të depërtojnë masa të reja edhe më të fuqishme të paqëndrueshme. Këto masa ajrore ndryshe mund të quhen edhe si “ciklon i shtresave të larta atmosferike” (Uper Low). Këto masa ajrore do të shkaktojnë destabilizim të fuqishëm të motit sidomos pasditeve dhe mbrëmjeve të ditëve të ardhshme. Reshjet më të fuqishme priten në fundjavë (të dielen) ku priten rrebeshe të fuqishme shiu me vetëtima, bubullimë dhe mundësi edhe për breshër.
Mot mjaft i paqëndrueshëm do të vazhdojë edhe në fillim të javës së ardhshme, edhe pse do të ketë ngritje të temperaturave, pasditeve do të ketë zhvillim të fuqishëm të vranësirave (Cumulonimbus) vertikale apo konvektive të cilat do të shoqërohen me rrebeshe lokale shiu me vetëtima dhe bubullimë./Meteoballkan
