Sot në Kosovë do të mbajë mot pak më i nxehtë se sa sot, me vranësira por edhe me intervale kohore me diell. Në shumë pjesë të Kosovës do të mbajë mot i thatë, ndërsa pasdite vonë në disa rajone priten zhvillime lokale të vranësirave të cilat do të kushtëzojnë rrebeshe të izoluara shiu. Reshjet apo rrebeshet e herëpashershme do të vazhdojnë gjatë natës kryesisht në rajonin e Dukagjinit ndërsa të dielën do të pëfshijnë shumicën e territorit të Republikës së Kosovës.
Në Shqipëri do të mbajë mot i ndryshueshëm. Pas intervaleve të gjata kohore me diell gjatë pasdites priten rrebeshe lokale shiu me vetëtima dhe bubullimë kryesisht në rajonet kontinentale e shumë më pak në rajonet bregdetare.
Në Maqedoninë e veriut edhe sot do të mbajë mot i ndryshueshëm, me intervale kohore me diell dhe vranësira të cilat pasdite do të zhvillohen në perëndim, jugperëndim dhe veriperëndim të vendit do të kushtëzojnë edhe rrebeshe lokale shiu me vetëtima dhe bubullimë.
Edhe në Mal të Zi sot mot i ndryshueshëm, me intervale kohore me diell dhe zhvillime vranësirash herë pas here me rrebeshe shiu pasdite.
Të dielën në Kosovë pritet të kemi mot mjaft të paqëndrueshëm me zhvillime të fuqishme të vranësirave të cilat herë pas here do të kushtëzojnë rrebeshe lokalisht të fuqishme shiu me vetëtima dhe bubullimë. Mot i paqëndrueshëm dhe me rrebeshe të shpeshta shiu me vetëtima dhe bubullimë të dielën do të mbajë edhe në Shqipëri, Maqedoninë e Veriut dhe Mal të Zi. Vende-vende mund të ketë edhe breshër dhe vërshime afatshkurtëra.
Mot i ndryshueshëm por me ngirtje graduale të temperaturave do të mbajë edhe ditëve të ardhshme në tërë rajonin. Nga e enjta do të kemi ngritje të theksuar të temperaturave, ndërsa të premtën parashihet të kemi mot me vapë dhe pa reshje atmosferike. Të shpresojmë që kësaj radhe të mos ketë ndryshime dhe të përjetojmë pak vapë./Meteoballkan
