Gradualisht po hyjmë në një periudhë kohore mjaft jostabile dhe të paqëndrueshme. Gjatë ditës ditës së sotme në Shqipëri, pjesë të mëdha të Maqedonisë së Veriut dhe disa pjesë të Kosovës pati rrebeshe lokale shiu me vetëtima dhe bubullimë të cilat po vazhdojnë edhe në këto çaste.
Kjo është vetëm hyrje në destabilizimin e fuqishëm dhe të përgjithshëm të atmosferës mbi rajonin tonë e cilat pritet në 24 deri 48 orët e ardhshme. Priten rrebeshe të fuqishme shiu herë pas here të shoqëruara me vetëtima dhe bubullimë. Gjatë ditës së nesërme posaqërisht vonë pasdite apo në mbrëmje mund të ketë procese të bujshme atmosferike siç janë shtrëngatat e fuqishme me breshër. Gjithashtu do të ketë mundësi që të ketë edhe vërshime të shpejta dhe lokale.
Rrebeshe të fuqishme lokale shiu priten në tërë rajonin: Shqipëri, Kosovë, Maqedoni Veriore dhe Mal të Zi.
Ditën e parë të Fitër Bajramit paradite mund të kemi mot të mirë, kurse pasdite përsëri priten zhvillime të fuqishme vranësirash të cilat do të sjellin rrebeshe lokalisht të fuqishme shiu me vetëtima dhe bubullimë. Më gjerësisht për këtë në postimet tona të ardhshme!/Meteoballkan
