Vala e parë serioze e nxehtësisë afrikane do të përfshijë gjatë ditës së sotme Gadishullin Iberik dhe do të zgjerohet në drejtim të Francës, Italisë veriore Gjermanisë dhe Mbretërisë së Bashkuar. Temperaturat në këto vende që i përmendëm do të arrijnë dhe tejkalojnë shifren 30 gradë celsius.
Në anën tjetër në Evropen juglindore ku jemi edhe ne do të kemi mot mjaft jostabil dhe të freskët si dhe me zhvillime të stuhive lokale me vetëtima dhe bubullimë.
Është kjo vala e parë serioze e nxehtësisë që përfshinë Evropen, ndërsa shenjat e “zgjimit të Afrikës” do ti përjetojmë edhe ne nga mesi apo thënë më mirë fundi i javës, kur pas disa ditëve mjaft jostabile dhe me reshje të shpeshta shiu, pritet të kemi stabilizim të paktën të përkohshëm të kushteve të motit dhe ngirtje të ndjeshme të temperaturave kur edhe do ti përjetojmë ditët e para me temperatura rreth 30 gradë celsius për këtë sezonë verore.
Ne do tju mbajmë të informuar gjatë ditës për zhvillimet më të reja sinoptike në Evropë dhe rajon./Meteoballkan
