Ka disa javë që i nxehti tropikal ka përfshirë shumë pjesë të territorit të Rusisë, posaqërisht pjesën jugore të Rusisë dhe këtë verë më së nxehti ka qenë në Rusi. Gadishulli Iberik ishte përfshirë nga valë afatshkurtëra nxehtësie por kjo nxehtësi është ndërprerë nga frontet e ftohta të Atlantikut. Dita e djeshme ishte më e nxehtë në Rusi se sa në Gadishullin Iberik siç shihet edhe në fotografinë kryesore.
I nxehti afrikan ka përfshirë edhe Gadishullin Ballkanik dhe vendet tona ku temperaturat kanë tejkaluar 30 gradë celsius të shtunën edhe në Kosovë. Pas një uljeje të lehtë të temperaturave pritet rikthimi i menjëhershëm i temperatuve të larta tropikale posaqërisht nga pjesa e dytë e kësaj jave ku ajo maksimale mund të arrijë deri në 35-36 gradë celsius në Kosovë, ndërsa 38 në Shqipëri, Maqedoninë e Veriut dhe Mal të Zi./Meteoballkan
