Kushtet atmosferike gjatë ditës së djeshme në Slloveni dhe Kroaci, por edhe në Gjermani dhe Çeki ditë më parë ishin të volitshme për krijimin e stuhive jashtëzakonisht të fuqishme vertikale apo konvektive të cilat prodhuan shtrëngata të fuqishme me vetëtima, bubullima masive dhe breshër gjigand.
Këto vranësira u zhvilluan aq lartë në mënyrë vertikale sa që në një moment kaluan edhe troposferën, duke u ngrirë në shtresat e larta të atmosferës dhe në këtë mënyrë u krijua breshëri. Ky fenomen ekstrem atmosferik në gjuhën angleze quhet “overshooting top” dhe ndodhë vetëm në raste ekstreme të motit ekstrem.
Pikërisht kjo ndodhi dje mbi qiellin e Sllovenisë dhe Kroacisë ku disa rajone u goditën nga breshëri i madh i cili shkaktojë dëme të konsiderueshme materiale dhe bujqësore. Në fotografinë kryesore keni një ilustrim se si duket një “overshooting top” që në gjuhën shqipe mund të përkthehet si një “maje që ka tejkaluar limitet”./Meteoballkan
