Edhe këtë pasdite në Kosovë dhe rajon mjaft nxehtë. Temperaturat kulmuan gjatë ditës në nivel rajonal ato arritën deri në 35 gradë celsius sa u regjistrua në Bosnë dhe Kroaci, 34 në Shqipëri, 30 në Kosovë etj. Rrebeshe shiu deri në këto momente nuk ka në Kosovë, por mund të ketë ndonjë rrebesh të izoluar shiu në ndonjë rajon orëve të ardhshme.
Nesër në Kosovë dhe rajon priten ngritje të ndjeshme të temperaturave si pasojë e fuqizimit të ndikimit Afrikan në drejtim të rajonit tonë. Prandaj, apelojmë për kujdes posaçërisht në orët e pikut, sidomos për personat e moshuar, fëmijët dhe ata që vuajnë nga ndonjë sëmundje kronike. Gjithashtu kujdes duhet pasur edhe personat e shëndoshë sidomos nga ora 11:00 deri në orën 17:00. Informacione tjera në postimet tona të ardhshme./Meteoballkan
