Siç kemi theksuar edhe në postimet tona të ditëve të kaluara nga e enjta pritet fuqizimi i ndikimit të masave ajrore të nxehta nga Afrika Veriore. Siç mund të shihni edhe nga fotografia kryesore (ngjyra e kuqe) ajri i nxehtë afrikan është drejtuar pikërisht tek ne. I nxehti do të ndjehet qysh nga orët e mëngjesit e posaçërisht në orët e paraditës, kurse gjatë ditës priten vlera mjaft të larta të temperaturave maksimale.
Në përgjithësi në rajon temperatura më e lartë parashihet të arrijë deri në 37-38 gradë celsius, kurse në Kosovë rreth 34-35 gradë celsius, prandaj nga dita e nesërme apelojmë për kujdes të shtuar posaçërisht në orët e pikut sepse nxehtësia mund të shkaktojë probleme për personat e ndjeshëm, të sëmurët kronik, të moshuarit dhe fëmijët por nuk duhet nënvlerësuar nxehtësinë edhe personat e shëndoshë./Meteoballkan
