Siç shihet në fotografinë kryesore qielli është i pastër dhe kryesisht pa vranësira në Gadishullin Ballkanik. Gjithashtu kemi edhe masat ajrore të nxehta nga Afrika Veriore dhe kjo do të vazhdojë edhe dy tre ditët e ardhshme. Pra, nesër dhe pasnesër pritet kulminacioni i nxehtësisë në rajonin tonë dhe do të jetë kryesisht thatë. Nesër në disa rajone në Kosovë (kryesisht kodrinore-malore) mund të ketë zhvillime të izoluara të vranësirave të cilat mund të kushtëzojnë ndonjë rrebesh shiu me vetëtima dhe bubullimë, por në përgjithësi do të mbetet mot me diell dhe shumë i nxehtë.
Edhe të shtunën do të kemi mot të kthjellët, të nxehtë dhe me shumë rreze diellore në tërë rajonin, kurse të dielën pasdite në disa rajone priten rrebeshe lokale shiu me vetëtima, bubullimë dhe mundësi edhe për breshër. Nga e hëna pasdite pritet të kemi destabilizim të fuqishëm të motit, me rrebeshe lokalisht të fuqishme shiu me vetëtima, bubullimë si dhe me mundësi edhe për breshër./Meteoballkan
