Siç shihet në pamjet satelitore qielli është kryesisht pa vranësira mbi Gadishullin Ballkanik, meqenëse ka zhvillime të izoluara të vranësirave mbi Kroaci, Bosnë, Mal të Zi dhe skajin lindor të Maqedonisë së Veriut, ku tani ka edhe rrebeshe të izoluara shiu.
Në vazhdim të ditës pritet destabilizim e fuqishëm i atmosferës në këto rajone që i përmendëm, duke mos përjashtuar edhe shumë pjesë të Kosovës. Reshjet do të jenë të karakterit lokal, pra gjithmonë po e sqarojmë këtë për tu përpjekur që sa më shumë ti vetëdijësojmë lexuesit tanë. Në disa rajone priten rrebeshe të fuqishme, kurse në disa rajone tjera mund të mos ketë fare reshje. Këto janë reshjet tipike verore.
Në nivel rajonal sonte priten procese të bujshme atmosferike, me vetëtima dhe bubullima masive dhe mundësi edhe për breshër. Në Kosovë proceset do të jenë normale, por duke pasur parasysh temperaturat e larta dhe zhvillimin e vranësirave nuk mund të përjashtojmë as këtu ndonjë zhvillim të izoluar siç është breshëri p.sh. Në vazhdim të ditës do të jemi më pak aktiv për shkak të disa obligimeve, por do të mundohemi të jemi përsëri këtu brenda mundësive./Meteoballkan
