Në mesditë dhe pasdite në rajonin tonë po mban mot kryesisht me diell dhe i nxehtë. Në disa rajone pati rrebeshe lokale shiu të cilat ndikuan në uljen e temperaturave në ato rajone. Temperatura maksimale arritën deri në 29-30 gradë celsius në Kosovë, 32-33 gradë celsius në Shqipëri, ndërsa 35 gradë celsius u regjistruan në juglindje të Maqedonisë së Veriut. Ndjesia subjektive e të nxehtit është për disa gradë më e lartë. Rrebeshet e izoluara do të vazhdojnë edhe gjatë orëve të ardhshme, kurse pjesa më e madhe e rajonit do të mbetet pa reshje.
Nesër pritet të kemi mot edhe më të nxehtë, me shumë diell dhe kryesisht të thatë në tërë rajonin me ndonjë përjashtim shumë të rrallë./Meteoballkan
