Dita e shtunë në të gjitha viset tona do të jetë kryesisht stabile dhe mjaft e ngrohtë. Dielli pritet të jetë dominant në shumicën dërmuese të viseve tona, megjithatë ndonjël rajon mund të përfitojë ndonjë rrebesh të izoluara me ndonjë bubullimë dhe kjo mund të ndodhë ngase mund të priten zhvillime të izoluara të cilat nuk do të ndikojnë në atmosferën e përgjitshme.
Këto zhvillime mund të ndodhin kryesisht në disa vise kodrinore-malore.
Edhe dita e diel do të jetë e nxehtë dhe me diell në shumë pjesë të rajonit tonë sidomos në Shqipërisë dhe Maqedoninë Veriore, por për dallim nga sot e diela mund të jetë dukshëm më jo-stabile orëve të pasdites.
Përpos periudha të gjata me diell në mesdite apo më saktë pasdite vonë në shumë pjesë të Kosovës do të ketë zhvillime të vranësirave konvektive dhe parashihen rrebeshe lokale shiu me vetëtima dhe bubullimë, pra e kemi fjalën për pasditen e së dieles ose mbrëmje. Këto zhvillime edhe pse pak më të fuqishme dhe më të organizuara nuk do të kapin tërë territorin sepse kemi të bëjmë me zhvillime tipike verore që ndodhin në zona të izoluara, megjithatë në ato zona ku zhvillohen mund të krijohen kushte për rrebeshe intensive, shtrëngatë të fuqishme kalimtare dhe breshër.
Përpos Kosovës, zhvillime priten edhe në pjesë të Shqipërisë kontinentale, Maqedoninë Veriore, pjesë të Luginës së Preshevës dhe veriut të Malit të Zi.
Të gjitha këto zhvillime edhe pse mund të jenë të fuqishme në ato zona, por mbesin të izoluara.
Pra, kënaquni me motin kryesisht stabil, ditën e shtunë-diel por të dielën pasdite vende-vende atmosfera mund të destabilizohet dhe të kushtëzojë rrebeshe të izoluara shiu me vetëtima, bubullimë dhe mundësi për breshër.
Edhe fillimi i javës së re mund të jetë mjaft jo-stabile./MeteoBallkan
