Nesër në Kosovë do të mbajë mot kryesisht me diell dhe mjaft i nxehtë, me temperatura maksimale të cilat do të arrijnë rreth 31-32 gradë celsius. Pasdite në disa vise kryesisht kodrinore-malore në veri, veriperëndim dhe verilindje të vendit mund të ketë zhvillime të vranësirave të cilat do të kushtëzojnë rrebeshe të izoluara shiu me vetëtima dhe bubullimë.
Në Shqipëri nesër do të mbajë mot me diell dhe mjaft i nxehtë me temperatura maksimale rreth 33-34 gradë celsius në nivel vendi. Pasdite në disa rajone kodrinore -malore afër veriut dhe verilindjes së vendit mund të ketë ndonjë rrebesh të izoluar shiu me vetëtima dhe bubullimë.
Edhe në Maqedoninë e Veriut dhe Mal të Zi nesër do të mbajë mot kryesosht me diell dhe shumë i nxehtë. Pasdite në veri dhe verilindje të Mal të Zi priten rrebeshe lokale shiu me vetëtima dhe bubullimë.
Të dielën në tërë rajonin pritet të kemi një ditë kryesisht me diell dhe mjaft të nxehtë me temperatura maksimale mbi 30 gradë celsius. Pasdite në disa rajone në Kosovë mund të ketë zhvillime të vranësirave të cilat do të sjellin rrebeshe lokale shiu me vetëtima dhe bubullimë. Kjo vjen si pasojë e një fronti të ri të ftohtë ajror i cili do të përfshijë Bosnjën dhe Serbinë duke shkaktuar stuhi të fuqishme në këto dy shtete. Rrebeshe të fuqishme priten edhe në veri të Mal të Zi.
Të hënën në tërë rajonin pritet të kemi mot jostabil me rrebeshe shiu me vetëtima dhe bubullimë. Priten ulje të lehta të temperaturave. Rrebeshet do të jenë më të rralla dhe më të izoluara në bregdet./Meteoballkan
