Gjatë ditës së sotme temperaturat kulmuan përsëri dhe vlerat maksimale në Kosovë arritën deri në 31-32 gradë celsius, në Shqipëri rreth 33-34 gradë celsius, kurse në Italinë jugore ato arriten deri në 40 gradë celsius siç shihen në fotografi.
Gjatë paraditës patëm edhe vranësira, të cilat ishin kalimtare dhe të cilat vende-vende ende janë prezente, por në përgjithësi moti është shumë i nxehtë dhe me zagushim duke pasur parasysh lagështinë e ajrit dhe stuhitë e fuqishme që po zhvillohen në rajon.
Në këto momente Serbia perëndimore dhe qendrore dhe disa pjesë të Bsonjës janë përfshirë nga shtrëngata lokale me breshër dhe erëra të fuqishme. Në vazhdim të ditë këto shtrëngata potencialisht të rrezikshme vetëm se do të zgjerohen në Serbi dhe Bosnjë.
Në Kosovë rrebeshe lokale shiu priten gjatë natës (jo në tërë territorin)si dhe ditën e nesërme, por nuk do të jenë as për së afërmi të fuqishme sikurse në rajon. Infromacione më të freskëta në mbrëmje./Meteoballkan
