Fillimi i javës që po hymë do të karakterizohet me mot mjaft jostabil në rajonin tonë ku priten zhvillime të vranësirave të cilat do të kushtëzojnë edhe rrebeshe të herëpashershme lokale shiu me vetëtima dhe bubullimë. Priten edhe ulje të lehta të temperaturave gjatë së hënës dhe së martës. Kur të jetë moti me diell do të duket më nxehtë se që është në realitet për shkak të dendësisë së ajrit. Reshjet do të jenë të karakterit lokal. Në disa zona mund të ketë rrebeshe të fuqishme shiu.
Nga e mërkura reshjet do të rrallohen dhe izolohen në zona të caktuara kryesisht kodrinore-malore si dhe pritet përsëri të kemi ngritje graduale të temperaturave. Nuk pritet të kemi nxehtësi ekstreme siç do të ndodhë në Evropë.
Nga mesjava epo e enjta pritet që mbi rajonin tonë të shtrihen masa të thata anticiklonike të cilat do të largojnë reshjet përfundimisht nga rajoni ynë. Priten edhe ngritje të temperaturave por asgjë ekstreme. Temperaturat do të jenë rreth apo ndoshta pak mbi vlerat mesatare për këtë periudhë kohore. Do të kemi erëra mesatare (në raste të rralla edhe të fuqishme) të cilat do të fryjnë kryesisht nga veriu dhe verilindja.
Nga e premta apo fundjava përsëri do të kemi ulje të lehta të temperaturave, por këto ulje të temperaturave nuk do të sjellin reshje atmosferike kësaj radhe. Të paktën sipas ecurive aktuale sinoptike ashtu duket. Nëse ka ndonjë ndryshim eventual ne do tju njoftojmë në postimet tona të përditshme për ecuritë më të reja sinoptike./Meteoballkan
