Masa ajrore pak më të nxehta do të depërtojnë nga dita e nesërme në rajonin tonë të cilat do të ndjehen posaçërisht në Shqipëri. Edhe në Kosovë do të jetë pak më nxehtë por priten edhe erëra të freskëta nga verilindja, si dhe ndoshta ndonjë rigë afatshkurtër shiu të cilat do të ndikojnë në mos ngritjen e temperaturave në disa rajone.
Temperaturat maksimale në Shqipëri do të arrijnë deri në 35-36 gradë celsius nesër në nivel vendi, kurse në Kosovë rreth 29-30 gradë celsius. Pra në prëgjithësi më freskët do të jetë në viset kontinentale të rajonit. Pasnesër priten ngritje të temperaturave dhe mot i kthjellët edhe në Kosovë por nuk pritet asgjë ekstreme dhe situata sinoptike do të mbetet brenda suazave normale për këtë periudhë kohore./Meteoballkan
