Edhe sot deri në këto çaste po mbanë mot kryesisht me diell dhe mjaft i nxehtë. Ndjesia subjektive e të nxehtit është më e lartë rreth 3-deri 5 gradë celsius se sa temperatura reale për shkak të dendësisë së ajrit.
Por, një front do të përfshijë disa pjesë të rajonit në orët e pasdites, duke shkaktuar destabilizim të pjesshëm të atmosferës. Fronti do të ndjehet më shumë në Kosovë dhe Mal të Zi (jo në bregdet), ndërsa më pak në Maqedoninë e veriut e më së paku në Shqipëri. Megjithatë edhe në Maqedoni dhe Shqipëri , kryesisht në viset kodrinore-malore mund të ketë rrebeshe lokale shiu. Në Kosovë rrebeshet do të jenë pak më përfshirëse por, prapëseprapë nuk do të kapin tërë territorin. Në disa pjesë të Kosovë priten rrebeshe të fuqishme dhe nuk përjashtohet edhe breshëri, por të sqarojmë edhe njëherë se rrebeshet do të jenë kryesisht të izoluara dhe do të kapin hapësira të ngushta gjeografike. Lum ato rajone që do të freskohen sot edhe nga shiu./Meteoballkan
