Një aeroplan i epokës sovjetike, Antonov-24, me 34 pasagjerë, u ul në një lumë të ngrirë pranë një aeroporti në lindjen e largët të Rusisë të enjten për shkak të gabimit të pilotit. Temperaturat në atë vend sillen rreth -41 gradë Celsius, shkruan BBC.
Aeroplani i Polar Airlines u ul në lumin Kolyma në rajonin Yakutia (Siberi), thanë prokurorët.
“Sipas informacioneve paraprake, shkaku i incidentit ishte një gabim i ekuipazhit në kontrollin e aeroplani”, ka thënë në një deklaratë zëdhënësi i prokurorit të Transportit të Siberisë Lindore.
Sipas selisë operative rajonale, aeroplani po fluturonte në linjën Yakutsk – Zhiryanka – Srednekolimsk. Askush nuk u lëndua dhe aeroplani nuk u dëmtua.
Pas uljes, departamenti territorial i Agjencisë Federale të Transportit Ajror nisi hetimet.
VIDEO:
