Edhe sot në tërë rajonin tonë po mbanë mot krejtësisht stabil, me diell dhe shumë i nxehtë, ndërsa nga nesër do të fillojnë jo-stabilitetet e izoluara atmosferike përderisa fillon edhe ulja e lehtë e temperaturave fillimisht në Kosovë, pastaj edhe në pjesët tjera të rajonit.
Përderisa nesër në Kosovë do të ketë tendencë e uljes së lehtë të temperaturave, në Shqipëri do të jetë shumë nxehtë, ndërsa Kosova pret rrebeshe të izoluara, afatshkurtra shiu me vetëtima dhe bubullimë.
E hëna na sjellë mot ende të nxehtë, ndërsa rrebeshet a pasdites priten edhe në Shqipëri. Rrebeshet do të jenë të karakterit lokal dhe nuk do të përfshijnë tërë territorin, pra përderisa një rajon përfiton rrebesh të fuqishëm shiu, rajone tjera mbesin pa reshje ose me riga simbolike.
Nga e marta pritet fuqizim i veprimit ciklonik në rajon duke sjell rrebeshe lokalisht të fuqishme dhe më të përhapura. Temperaturat shënojnë ulje të mëtutjeshme, pra na pret mot shumë i këndshëm në aspektin termik dhe me stuhi lokale afatshkurtra.
Rrebeshe të herëpashershme afatshkurtra priten edhe në viset bregdetare me ulje të lehta të temperaturave, por priten edhe intervale të gjata me mot stabil dhe me diell./MeteoBallkan
