Në këto çaste që nga Deti Tiren përtej Italisë, pastaj në Adriatikun qendror dhe në territorin e Bosnjës dhe Hercegovinës, Vojvodinës dhe Hungarisë kemi masa të fuqishme ajrore ciklonike që lëvizin në drejtim të lindjes ose sisteme ajrore me presion të ulët Atmosferike. Fushat barike janë ulur mjaft dukshëm dhe po kushtëzojnë erëra të forta jugore në rajonin tonë ngase gjendemi para masave ciklonike. Me kalimin e cikloneve në lindje gjatë ditës së nesërme erërat do të ndryshojnë drejtim dhe do të fillojnë të fryjnë nga veriu. Qendra kryesore e këtyre masave ajrore ciklonike gjendet në jug të Skandinavisë. Në anën tjetër thellë në juglindje të Evropes dhe Ballkanit kemi masa ajrore anticiklonike ose me presion të lartë atmosferike dhe ky dallim në fusha barike, ose presion atmosferik kushtëzon një natë me erëra vende-vende mesatare deri të fuqishme.
Sonte gjatë natës reshje intensive shiu ka në Bosnjë dhe Hercegovinë ku me uljen e temperatura pritet të fillojnë reshje të dendura bore, ndërsa te ne nesër pasdite priten reshje shiu herë pas here mesatare deri të dendura.
Me ardhjen e mases së ftohtë dhe të lagësht në territoret tona nesë në mbrëmje priten edhe reshje bore, por sistemi pritet të dobësohet pikërisht mbi territoret tona dhe reshjet e dendura të borës që pritet të përfshijnë Bosnën dhe Serbinë jugperëndimore pritet të dobësohen me ardhjen e tyre në Kosovë, prandaj nuk priten reshje të mëdha bore në territoret tona, përpos normalisht viseve kodrinore-malore ku mund të ketë intervale me reshje të dendura bore.
Pra, nesër në Kosovë gjatë ditës erërat pritet të fillojnë të fryjnë nga veriu, pasdite priten reshje shiu, në mbrëmje, vende-vende të përziera me borë. Në Shqipëri rrebeshe intensive.
Erërat pritet të jenë prezente deri nesër të cilat herë pas here mund të jenë të fuqishme, por nuk pritet asgjë tepër ekstreme. Nesër gjatë ditës do të fillojnë të dobësohen, por ende mbesin prezente (nganjëherë ende të fuqishme) dhe pritet të fillojnë të fryjnë nga veriu. Gjatë ditës së shtunë pritet dobësim i plotë i erërave./MeteoBallkan