Erërat veriore janë një shenjë që fronti i ftohtë ajror i është afruar Kosovës e cila ende gjendet e “mbërthyer” nga masat e nxehta ajrore por të cilat do të largohen sonte në mbrëmje dhe gjatë natës. Rajoni duke filluar nga Sllovenia, Kroacia dhe Bosna dje dhe sot janë përfshirë edhe nga reshje lokale atmosferike dhe ulja e theksueshme e temperaturave.
Mirëpo, reshjet do të dobësohen tërësisht kur masa ajrore të arrijë mbi Kosovë dhe përpos erërave të freskëta veriore dhe vranësirave reshjet do të jenë simbolike dhe lokale. I ftohti do të ndjehet më shumë në viset kontinetale, ndërsa bregdeti do të vazhdojë të jetë ende i nxehtë, me mundësi për vranësira, freskim dhe rrebeshe afatshkurtëra.
Përderisa shumica e rajonit tanimë është përfshirë nga temperatura të freskëta vetëm në Kosovë, Shqipëri dhe Maqedoni ende është nxehtë por kjo do të ndryshoi gjatë natës dhe ditën e nesërme me kalimit e frontit do të ulen edhe temperaturat, megjithatë nga e enjta prapë do të rikthehet i nxehti por do të jetë shumë më i butë se në ditët që lamë pas.
Për reshje substanciale atmosferike duhet të presim ende./Meteoballkan
