Cikloni amë gjendet në Britaninë e Madhe së bashku frontin e ftohtë ajror i cili po afrohet në Alpet Evropiane. Me kalimin e frontit të ftohtë nga Alpet në Gjirin e Gjenovës në Italinë Veriore do të krijohet një ciklon i ri apo siç e quajnë meteorologët cikloni sekondar Gjenovian.
Ky ciklon nuk do të ketë pengesa për tu zhvilluar në një sistem të fuqishme i cili ditëve të ardshme nga Gjiri i Gjenovës do të rrugëtojë dhe stacionohet në Detin Adriatik. Cikloni do të qëndrojë për disa ditë me radhë mbi Itali dhe Detin Adriatik duke na sjellur porcione të shpeshta reshjesh atmosferike, ndërsa mbi Rusi dhe Evropë do krijohet një anticiklon shumë i fuqishëm dhe kjo është situata ideale dhe perfekte sinoptike për reshje shiu në rajonin tonë.
Reshjet e shiut do të fillojnë nesër (e mërkurë), të cilat në bregdetin shqiptar pritet të jenë në formë të rrebeshe intensive të shiut me vetëtima dhe bubullimë. Temperaturat do të pësojnë ulje rreth vlerave normale, ndërsa nga e enjta nën vlera normale, pra na pret mot i vërtetë vjeshtor dhe mjaft i freskët., me reshje të shpeshta shiu.
Herë pas here priten reshje të dendura shiu edhe në Kosovë e sidomos në Shqipëri dhe Maqedoninë e Veriut. Reshjet më të fuqishme të shiut priten në jug dhe juglindje të Shqipërisë ku mund të ketë edhe vërshime.
Mot mjaft i paqëndrueshëm do të mbajë për disa ditë me radhë, me reshje të shpeshta shiu dhe disponim të vërtetë vjeshtor. Ky shi pritet të jetë shumë i dobishëm, sidomos për bujqit dhe kulturat e tyre bujqësore në përgaditjet e tyre para ardhjes së dimrit./Meteoballkan
