Para pak minutash ekspertët grekë paralajmëruan për një cunam të vogël, pas tërmetit të fortë që goditi Kretën në mesditë, raportojnë mediet greke.
Megjithatë ekspertët theksojnë se nuk ka vend për panik,n pasi cunami do të jetë vogël dhe nuk do shkaktojë dëme.
Sizmologu Gerasimos Papadopoulos në një postim në Facebook u bëri thirrje qytetarëve të largohen nga brigjet.
“Cunami i vogël në progres në jug të Kretës. Largohuni nga brigjet “, ka shkruar sizmologu.
“Ne kemi publikuar një paralajmërim për cunami, por nuk ka asgjë alarmante. Po flasim për 10 kilometra në juglindje të Zakros. Fenomeni ka mbërritur dhe mund të mos jetë i dukshëm në disa zona. Tërmeti ishte i vogël për të krijuar një cunami të madh. Përveç Kretës, i gjithë Egjeu jugor është tronditur,” tha presidenti i Institutit Gjeodinamik Efthymios Lekkas.
