Anticikloni i fuqishëm siberian është zgjeruar drejt Evropes dhe rajonit tonë duke u bashkuar me anticiklonin e fuqishëm kontinental evropian që vjen nga Azoret dhe në këtë mënyrë është krijuar një super-anticiklon në Evropë dhe Ballkan duke mos lejuar reshjet atmosferike.
Në anën tjetër një ciklon i fuqishëm me qendër në Afrikën veriore diku në brigjet e Libisë do të sjellë stuhi të fuqishme shiu e bore në jug të Italisë, veçanërisht në zonën e Siçilisë ku priten edhe përmbytje dhe erëra mjaft të fuqishme. Pikërisht ky ciklon po tërheq erërat e akullta verilindore drejt territoreve tona, ndërsa reshjet nuk do të arrijnë tek ne shkaku i anticiklonit të lartëpërmendur.
Pra, edhe Italia jugore pritet të ketë reshje bore (vende-vende sidomos zonat kodrinore-malore) dhe me këtë mund të konstatojmë se territori i Kosovës dhe Maqedonisë së Veriut sivjet janë ndër vendet me më së paku reshje bore në Kontinent. Dihet klima mesdhetare e Siçilisë dhe klima kontinentale e Kosovës dhe Maqedonisë së Veriut.
Ky anticiklon do të stabilizojë motin në rajonin tonë, ditëve të ardhshme priten rritje të lehta të temperaturave, por vazhdon acari në mbrëmje, natën dhe në mëngjes./MeteoBallkan
