Masa shumë të fuqishme ciklonike po depërtojnë në Evropen perëndimore duke arritur deri në Itali dhe Gadishullin Ballkanik.
Këto masa ajrore do të dëbojnë anticiklonin e madh përgjegjës për thatësinë ekstreme në Kosovë, Shqipëri dhe Maqedoninë e Veriut. Fillimisht reshje të dendura shiu do të përfshijnë Malin e Zi, pastaj edhe veriun e Shqipërisë. Tutje sonte gjatë mbërmjes reshje dhe rrebeshe shiu priten të depërtojnë dhe në Republikën e Kosovës, nga perëndimi në lindje. Sistemi i vranësirave që do të sjellë reshjet në Kosovë më i fuqishëm do të jetë në perëndim, qendër, veri dhe verilindje të Republikës së Kosovës e shumë më i dobët pritet të jetë në juglindje dhe lindje të vendit.
Sidoqoftë, ata që eventualisht nuk do të kapen sonte nga reshjet e shiut nuk duhet të zhgënjehen, ngase vranësira të reja të mbushura plotë me shi pritet të vijnë herë pas here gjatë javës deri në fillim të javës së re.
Vende-vende kësaj radhe do të ketë reshje shumë intensive dhe të rrëmbyeshme shiu dhe mund të ndodhin problematika për shkak të reshjeve të mëdha sidomos në Mal të Zi dhe disa zona në Shqipëri, por duke mos përjashtuar edhe territorin e Republikës së Kosovës dhe Maqedonisë së Veriut në fund të javës./METEOBALLKAN
