Përderisa më herët Dukagjini, veriu dhe qendra e Kosoves u përfshinë nga stuhi lokale me shie breshër, tani jo-stabilitetet atmosferike janë përqëndruar në juglindje dhe verilindje të Kosoves dhe po vazhdojnë drejt pjesës lindore të vendit.
Shumë pjesë të Kosoves sot paten zhvillime të fuqishme me rrebeshe shiu, ndërsa në disa vatra pati edhe breshër masiv dhe erëra të fuqishme.
Përndryshe sot rajoni ynë gjendet nën ndikimin e ciklonit të shtreses së lartë të atmosferës. Ky ciklon do të vazhdojë të sjellë mot mjaft të ndryshueshëm, ndërsa në rajon priten stuhi intensive dhe vërshime.
Gjatë këtyre ditëve priten edhe periudha të qeta, por gjithnjë ekzistojnë gjasa për zhvillime lokale edhe në trojet tona dhe po ashtu do të ketë gjasa edhe për reshje mjaft intensive dhe vërshime të shpejta. Këto reshje do të zbusin thatësinë ekstreme, por nuk do ta përfundojnë atë në tërë territoret tona./MeteoBallkan
