Frontet e ftohta të Atlantikut po përprarojnë gjithnjë e më shumë në drejtim të jugut dhe lindjes së Kontinentit Evropian, ku mbizotërojnë masa ajrore të nxehta me oirgjinë nga Afrika Veriore. Nga dita e nesërme pikëtakimi i këtyre dy masave gjigande ajrore do të jetë pikërisht edhe pjesë të Gadishullit Ballkanik. Sonte disa pjesë të Sllovenisë janë përfshirë nga shtrëngata shiu me vetëtima dhe bubullimë, ndërsa nga nesër pritet destabilizim i fuqishëm i motit duke filluar nga Sllovenia, pastaj Kroacia, Bosna dhe Hercegovina dhe Serbia.
Stuhi të fuqishme lokale me vetëtima dhe bubullima masive si dhe breshër nesër pasdite dhe në mbrëmje priten posaçërisht në disa pjesë të Kroacisë, Bosnjës dhe stuhitë më të fuqishme përsëri pritet të godasin Serbinë.
Gjatë javës së ardhshme frontet (pak më të dobësuara) do të përfshijnë edhe Kosovën, Shqipërinë, Maqedoninë e Veriut, Malin e Zi dhe Greqinë. Reshje shumë të mirëseardhura shiu priten në Kosovë. Herë pas here do të ketë gjasa edhe për stuhi lokale me vetëtima, bubullimë dhe mundësi edhe për breshër./Meteoballkan
