Në tërë territorin e Republikës së Kosovës orëve të ardhshme priten reshje bore. Në disa rajone pritet intensifikim i reshjeve, kurse në orët e pasditës dhe mbrëmjes në tërë Kosovën pritet intensifikim i reshjeve të borës. Gjatë orëve të vona të mbrëmjes dhe natën pritet ulja e intensitetit të reshjeve, por jo ndërprerja e tyre, kurse nesër pritet fuqizim e sërishëm i reshjeve të borës në tërë territorin e Republikës së Kosovës.
Reshjet e borës do të përfshijnë edhe Maqedoninë dhe shumë pjesë të Shqipërisë. Rajoni ynë tani është nën ndikimin e ciklonit të fuqishëm me qendër afër Jugut të Italisë dhe ky ciklon me afrimin e tij drejt brigjeve të Shqipërisë pritet të fuqizohet dhe në këtë mënyrë të na sjellë reshje të dendura atmosferike.
Pra, kënaquni me këtë bardhësi të pafundme dhe me këto reshje të dendura bore. Temperaturat nuk pritet të jenë shumë të ulëta.
Pra, siç thamë edhe më lartë reshje të reja të dendura bore priten edhe gjatë ditës së nesërme dhe këto ditë do të arsyetojnë Janarin, muajin më dimëror të vitit ashtu edhe siç i ka hije./Meteoballkan.
