Në malet e Shqipërisë, Maqedonisë, Greqisë dhe Bullgarisë parashihet të ketë reshje dëbore e cila do të arrijë lartësinë deri në gjysmë metër. Bora e parë pritet edhe në viset e ulëta në tërë rajonin tonë me përjashtim të Bregdetit Shqiptar dhe Ultësirës Perëndimore, si dhe disa rajoneve tjera të territorit shqiptar
Njëkohësisht në brigjet e Greqisë priten reshje të fuqishme shiu. Bora ka filluar të bjerë edhe në viset e ulëta të Maqedonisë dhe Bullgarisë, kurse bora e parë ka zbardhur edhe kryeqytetin rumun Bukureshtin. Gjatë ditës reshje të dendura bore do të përfshijnë edhe territorin e Republikës së Kosovës të cilat më intensive do të jenë në orët e mbrëmjes kur edhe do të krijohen shtresa bore.
Pëegjegjës për këto kushte moti është cikloni i fuqishëm nga Deti Jon i cili nga Greqia do të rrugëtojë në drejtim të Evropës Lindore, ku njëkohësisht për shkak të anticiklonit të fuqishëm në Skandinavi në drejtim të rajonit tonë pritet të depërtojnë masa edhe më të ftohta ajrore.
Dy tre ditët e ardhshme na presin reshje atmosferike borë dhe pastaj reshje shiu të cilat do të zbusin thatësinë e madhe që ka mbretëruar në rajonin tonë kohëve të fundit.
