Në ditën e parë të kësaj jave të fundit të shtatorit, ka rënë borë në disa zona malore në Bosnjë dhe Hercegovinë, njofton MeteoBallkan.
Fillimisht bëhet fjalë për Liqeni Prokosko i cili ndodhet i vendosur në malin Vranici në Bosnjë dhe Hercegovinë, 1.636 metra mbi nivelin e detit.
Sipas faqeve metrorologjike boshnjake në këtë perlë të natyrës, bora filloi të binte në orët e mëngjesit dhe deri tani është krijuar një shtresë prej 5 centimetra.
Borë po ashtu ka rënë dhe po vazhdon të bie edhe në pikat malore Bjellashnica, Jahorinë dhe dhe Vllashiq.
Bjelashnica është një mal në pjesën qendrore të Bosnje dhe Hercegovinës, që ndodhet në jugperëndim të qytetit të Sarajevës. Ashtu si Jahorina dhe Bjellashnica fqinje i përkasin sistemit malor Dinarik.
Temperatura mesatare vjetore është vetëm 0.7 ° C, për shkak të temperaturave shumë të ulëta të dimrit. Temperatura më e lartë arrin 24 ° C dhe më e ulët është -41 ° C. Në verë ajo është e mbuluar me bar të dendur të gjelbër, dhe në dimër deri në 3 m dëborë të lartë. Erërat e forta dhe stuhitë janë tipari klimatik i këtij mali. /MeteoBallkan
Shikoni pamjet:
