Masa të ftohta ajrore vazhdojnë të mbretërojnë në rajonin tonë. Cikloni i cili tani gjendet mbi Detin e Zi vazhdon të na sjellë mot jo-stabil, të ftohtë dhe vende-vende me reshje atmosferike. Ky ciklon solli reshje të fuqishme bore në rajon, por reshjet nuk kapën ultësirat tona. Vlenë të theksojmë në Bosnjë dhe Serbi në disa vise kodrinore-malore trashësia e borës ka arritur deri afër 1 metër.
Në anën tjetër në Atlantik afër Britanisë së Madhe kemi ekpansionin e fuqishëm të antciklonit të Azoreve dhe kjo është situatë e përkryer sinoptike për depërtimin e masave të ftohta ajrore në rajonin tonë. Masat e ftohta ajrore depërtojnë vazhdimisht në Italinë veriore ku po krijohen ciklone të dobëta të cilat po na sjellin reshje të dobëta lokale atmosferike.
Afër fundjavës do të kemi depërtimin e mëtujteshëm të ajrit të ftohtë dhe të lagësht në Mesdhe dhe si pasojë në Mesdheun qendror pritet krijimi i një cikloni mjaft të fuqishëm i cili gjatë fundjavës pritet të arrijë në territoret tona duke kushtëzuar reshje atmosferike. Herë pas here priten reshje të dendura, por ende është e paqartë pozicionimi i saktë i ciklonit dhe për këtë arsye ende nuk mund të jemi tërësisht të sigurtë nëse do të kemi reshje të dendura bore apo shiu, për arsye se masat e nxehta nga Mesdheu mund të përzihen me masat ciklonike, megjithatë nëse cikloni shkon më në jug dhe lindje afër Greqisë atëherë me siguri se do të kemi reshje të dendura bore, por nëse cikloni hynë në Adriatikun qendror atëherë mbi rajonin tonë mund të aktivizohen erërat jugore dhe si pasojë priten reshje të përziera shi dhe borë.
Sidoqoftë, reshje të dendura na presin gjatë kësaj fundjave, por mbetet ende enigmatike pozicionimi i saktë i ciklonit dhe lloji i saktë i reshjeve atmosferike. Kjo enigmë mund të zgjidhet nesër, e më së largu pasnesër. Deri atëherë na pret mot i paqëndrueshëm dhe i ftohtë me rrebeshe të herëpashershme lokale shiu e bore./Meteoballkan
