Mot realtivisht i ngrohtë dhe kryesisht stabil po mbretëron këto ditë në rajonin tonë duke falënderuar masat ajrore stabile anticiklonike, ndërkohë ditëve të ardshme priten ndryshime nëse mund të themi jo të mëdha të motit, por megjithatë në disa vende priten vranësira dhe rrebeshe lokale shiu.
Rajonet në të cilat priten rrebeshe më së shumti janë juglindja-lindja e Shqipërisë dhe disa pjesë të Maqedonisë së Veriut. Rrebeshe të izoluara dhe vranësira priten edhe në pjesë tjera të Shqipërisë, ndërsa të dielën dhe të hënën ndonjë rigë afatshkurtër shiu mund të bije edhe në disa vise të Kosovës kryesisht në jug dhe juglindje të vendit, por në përgjithësi në Kosovë mbetet mot i thatë. Vranësira dhe rrebeshe kalimtare mund të ketë edhe në bregdetin shqiptar, por nuk pritet ndonjë ndryshim drastik i motit dhe ndonjë ulje e theksuar e temperaturave. Ulja e lehtë e temperaturave dhe ndonjë rrebesh eventual gjatë fundjavës do të jenë afatshkurtra dhe jo të qëndrueshme.
Tendencat deri shkojmë kah mesi i muajit Shtator janë në favor të motit të ngrohtë dhe kryesisht stabil bazuar në ecuritë më të fundit sinoptike të cilat eventualisht mund të pësojnë ndonjë ndryshim dhe nëse ka ndonjë ndryshim do ju njoftojmë me kohë./Meteoballkan
