Sot në Kosovë pritet të mbajë mot me intervale kohore me diell dhe vranësira të cilat rrallë në disa rajone pritet të kushtëzojnë reshje afatshkurtra bore. Temperaturat do të fillojnë të pësojnë ulje për shkak të erërave veriore dhe veriperëndimore të cilat pritet të intensifikohen gjatë ditës së nesërme.
Në Shqipëri dhe tërë rajonin tonë pritet të mbajë mot me intervale të gjata kohore me diell dhe vranësira lokale. Rrallë në disa vise mund të ketë reshje afatshkurtra bore.
Ditëve të ardhshme na pret mot mjaft i ftohtë dhe kryesisht i thatë. Për shkak të ardhjes së mases mjaft të ftohtë ajrore me origjinë polare temperaturat pritet të shënojnë ulje të mëtutjeshme, sidomos ato minimalet të cilat pritet të ulen deri në -10 gradë Celsius, madje në disa vise kodrinore-malore edhe më ftohtë. Rrallë në disa vise priten fjolla afatshkurtra bore. Nga e enjta zbutje graduale e acarit dhe temperaturat do të fillojnë të rriten si ato minimale po ashtu edhe maksimale. Nga e premta ndjeshëm më ngrohtë./MeteoBallkan
