Sotnë territorin e Republikës së Kosovës do të depërtojë një front i ftohtë, por jashtëzakonisht i dobët ajror nga veriu i cili do të kushtëzojë reshje të dobëta dhe afatshkurtëra bore në Kosovë, kurse nesër (Të Hënën) do të vije një front i ri më i fuqishëm i ftohtë ajror i cili do të na sjellë reshje të reja të dendura bore. Reshjet e borës do të jenë të dendura herë pas here dhe me intervale kohore. Këto reshje do të ndërpriten mbrëmjen e vonshme të së hënës. Në përgjithësi priten nga 5 deri 10 cm. reshje të reja bore nëpër ultësira, kurse deri në 20 cm në viset malore.
Reshje të dendura bore do të përfshijnë edhe Malin e Zi, Shqipërinë dhe Maqedoninë, normalisht në ato rajone ku reshjet e borës janë të zakonshme. Në rajonet tjera priten reshje shiu sepse temperaturat do të ngriten. Magjitë dimërore po vazhdojnë pandërprerje këtë dimër dhe shfrytëzojeni rastin të kënaqeni me reshjet e borës. Largoni fëmijët nga kompjuterët, celularët dhe televizioni sepse loja me dëborë do të thotë shëndet.
Reshje kalimtare bore mund të ketë edhe ditën a martë, kurse nga e mërkura ka tendenca që nga Atlantiku të depërtojnë masa pak më të nxehta ajrore të cilat do të fillojnë që ta shkrijnë borën ngapak sidomos nëpër ultesira.
Informacione tjera në postimet tona të ardhshme në meteoballkan.com./Meteoballkan
