Sot në Kosovë na pret mot kryesisht me diell, por edhe me vranësira të pakta lokale. Mëngjesi pritet të jetë shumë i ftohtë me temperatura minimale deri në -10 gradë Celsius. Në viset malore edhe më ftohtë. Gjatë ditës zbutje e acarit me temperatura rreth 4 gradë Celsius ajo maksimale.
Në Shqipëri dhe rajon pritet të mbajë mot me intervale të gjata kohore me diell dhe vranësira lokale. Në mëngjes pritet acar, ndërsa gjatë ditës rritje e temperaturave.
Edhe të dielën në mëngjes na pret acar i fortë, ndërsa gjatë ditës rritje e temperaturave deri në 7 ose 8 gradë Celsius. Pritet mot kryesisht me diell dhe gjatë mesdites pritet mot i këndshëm.
Ditëve të ardshme na pret mot kryesisht stabil dhe me rritje graduale të temperaturave ditore. Mëngjeset ende do të jenë me ngrica, por më të buta. Nga e enjta mund të kemi përkeqësim të sërishëm të motit./MeteoBallkan