Sot në Kosovë na pret mot me intervale kohore me diell dhe vranësira të herëpashershme. Rrallëkund priten riga shiu ose fjolla bore në viset malore. Temperaturat pritet të lëvizin nga -2 ajo minimale deri në 14 gradë Celsius ajo maksimale. Gjatë ditës priten erëra mesatare nga perëndimi dhe veriperëndimi.
Në Shqipëri dhe tërë rajonin tonë pritet të mbajë mot me vranësira dhe intervale kohore me diell. Reshjet pritet të jenë të pakta dhe të izoluara kryesisht në juglindje të Shqipërisë dhe disa vise të Maqedonisë së Veriut dhe përpos rigave të shiut priten edhe fjolla bore.
Një valë reshjesh të dendura pritet të kemi të mërkurën për shkak të ardhjes së një fronti të pasur me lagështi nga veriperëndimi. Priten reshje të dendura shiu, shqote dhe vende-vende edhe reshje të dendura bore. Ky front pritet të jetë potent dhe i shpejtë. Gjatë natës dhe mëngjesit të së enjtes pritet kthjellim gradual i motit dhe rrezik përsëri për ngrica afatshkurtra në ato rajone ku moti do të kthjellohet.
Nga e enjta masat e ftohta ajrore pritet të largohen nga rajoni ynë. Si pasojë pritet të kemi rritje të temperaturave dhe fuqizim gradual të erërave nga jugu. Përpos intervaleve kohore me diell priten edhe vranësira dhe riga lokale shiu. Të premtën dhe të shtunën lokalisht mund të ketë rrebeshe shiu me vetëtima dhe bubullimë./MeteoBallkan
