Sot në Kosovë pritet të mbajë mot me intervale kohore me diell dhe zhvillime të fuqishme lokale të vranësirave të cilat pritet të kushtëzojnë reshje lokale shiu dhe rrebeshe lokale me vetëtima dhe bubullimë. Në disa vise priten rrebeshe intensive shiu për një kohë të shkurtër. Ka gjasa që të ketë edhe breshër, ndërsa temperatura maksimale mund të arrijë deri në 21-22 gradë Celsius.
Në Shqipëri dhe tërë rajonin tonë pritet të mbajë mot mjaft i paqëndrueshëm. Përpos intervaleve kohore me diell priten zhvillime të fuqishme të vranësirave konvektive të cilat do të kushtëzojnë reshje shiu dhe rrebeshe lokale me vetëtima, bubullimë dhe mundësi për breshër.
Të hënën pak më freskët dhe kryesisht vranët. Gjatë ditës priten reshje lokale shiu, pak më intensive në Shqipëri dhe rajonin e Dukagjinit në Kosovë. Reshje pak më intensive po ashtu priten edhe në Mal të Zi dhe perëndim të Maqedonisë së Veriut.
Edhe të martën na pret mot kryesisht i vranët dhe me riga lokale shiu kryesisht të dobëta. Pasdite përmirësim i motit. Nga e mërkura rritje e temperaturave ngase priten më shumë intervale kohore me diell, megjithatë ende priten zhvillime të izoluara me ndonjë rrebesh të izoluar shiu./MeteoBallkan
