Sot në Kosovë pritet të kemi mot të paqëndrueshëm, me intervale kohore me diell dhe zhvillime të fuqishme të vranësirave të shiut të cilat pritet të kushtëzojnë rrebeshe lokale shiu me vetëtima dhe bubullimë. Vende-vende priten rrebeshe intensive, breshër dhe bubullima të zhurmshme. Rrebeshe më intensive priten në Dukagjin.
Në Shqipëri dhe rajon pritet të mbajë mot i paqëndrueshëm, me intervale kohore me diell dhe zhvillime të rrebesheve të fuqishme lokale me vetëtima dhe bubullimë. Bregdeti dhe Ultësira perëndimore kryesisht stabile dhe pa reshje. Rrebeshe mjaft të fuqishme priten në disa vise të Maqedonisë së Veriut.
Ditëve të ardhshme na pret mot me intervale kohore me diell, ndërsa pasditeve vende-vende priten rrebeshe lokale shiu me vetëtima dhe bubullimë kryesisht në viset kontintientale të Shqipërisë, Dukagjin dhe Maqedoninë e Veriut. Temperaturat shënojnë ulje të lehta dhe ajo maksimale pritet të arrijë rreth 26 gradë Celsius./MeteoBallkan