Sot në Kosovë na pret mot më i freskët, me vranësira dhe intervale kohore me diell. Vende-vende priten riga lokale shiu, ndërsa pasdite mund të ketë zhvillime të fuqishme, të izoluara konvektive që mund të gjenerojë në rrebeshe të izoluara, por të fuqishme shiu me vetëtima dhe bubullimë. Këto rrebeshe sipas modeleve priten kryesisht në disa vise të Dukagjinit.
Në Shqipëri dhe rajon pritet mot i ndryshueshëm. Në bregdet kryesisht me diell. Pasdite në veri dhe lindje të Shqipërisë dhe perëndim të Maqedonisë së Veriut mund të ketë rrebeshe lokalisht të fuqishme shiu me vetëtima dhe bubullimë. Temperaturat pritet të shënojnë ulje në viset kontinentale.
Të hënën na pret mot i paqëndrueshëm, me intervale kohore me diell dhe zhvillime të fuqishme pasdite të vranësirave konvektive që mund të kushtëzojnë rrebeshe lokalisht të fuqishme shiu me vetëtima dhe bubullimë.
Nga e marta rritje e temperaturave, por vende-vende pasditeve priten rrebeshe të izoluara shiu me vetëtima dhe bubullimë./MeteoBallkan
