Sot në Kosovë na pret mot stabil dhe me diell, por mëngjesi do të jetë me acar. Temperaturat në mëngjes do të lëvizin nga -4 deri në 0 gradë Celsius, ndërsa ato maksimale gjatë ditës do të arrijnë deri në 15 gradë Celsius. Do vazhdojnë ende të fryjnë erëra paksa të ftohta nga veriu dhe verilindja.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot kryesisht me diell, ndërsa mëngjesi do të jetë i ftohtë. Acar pritet në viset kontinentale.
Të dielën edhe më ngrohtë veçanërisht nga mesdita. Temperaturat maksimale do të shënojnë rritje të mëtutjeshme.
Edhe të hënën do të kemi mot të ngrohtë, por pasdite vonë në Kosovë do të ketë gjasa për rrebeshe lokale duke mos përjashtuar edhe ndonjë bubullimë aty-këtu. Në viset tjera mot kryesisht i thatë me ndonjë rrebesh rrallë në disa rajone.
Nga e marta na pret mot kryesisht me diell dhe relativisht ngrohtë./METEOBALLKAN
