Sot në Kosovë pritet të mbajë mot kryesisht me diell dhe i ngrohtë gjatë ditës. Mëngjesi pritet të jetë mjaft i freskët dhe me mundësi për mjegull nëpër disa lugina dhe brymë në disa vise që favorizojnë të ftohtit. Gjatë ditës temperaturat shënojnë rritje deri në 22-23 gradë Celsius.
Në Shqipëri, Maqedoninë Veriore, Mal të Zi dhe Luginë pritet të mbajë mot me diell, vranësira lokale dhe i ngrohtë, me temperatura mbi 25 gradë Celsius në viset mesdhetare të Shqipërisë.
Edhe ditëve të ardhshme na pret mot mjaft i këndshëm dhe me diell, me temperatura makismale në Kosovë rreth 23-24 gradë Celsius, ndërsa në Shqipëri deri në 27-28 Gradë Celsius.
Të martën në Mesdhe pritet të depërtojnë fusha të fuqishme ajrore me presion të ulët atmosferik të cilat nga e mërkura do të fillojnë të ndikojnë edhe në kushtet sinoptike te ne. Rreshjet e shiut (afërsisht kah e mërkura) do të fillojnë fillimisht në Mal të Zi dhe Shqipëri, për tu zgjeruar pastaj edhe në drejtim të Kosovës, Maqedonisë së Veriut dhe Luginës së Preshevës. Vende-vende priten reshje intensive shiu veçanërisht në Shqipëri, por lokalisht edhe në viset tjera. Këto reshje do të jenë jashtëzakonisht të mirëserardhura dhe pritet të përfshijnë hapësira mjaft të gjera gjeografike gati në krejt territoret tona./Meteoballlkan
