Sot në Kosovë pritet të mbajë mot me intervale kohore me diell dhe vranësira lokale. Temperaturat pritet të shënojnë rritje të lehta. Gjatë natës pritet të ketë shtim të vranësirave të cilat në mëngjes do të sjellin reshje shiu. Në viset malore reshje shqote dhe bore.
Në Shqipëri dhe tërë rajonin tonë pritet mot me alternime mes vranësirave dhe intervaleve kohore me diell. Gjatë natës në Shqipëri do të fillojnë reshjet e shiut të cilat vende-vende pritet të jenë intensive. Gjatës mëngjesit të së premtës reshje e shiut pritet të përfshijnë shumë pjesë të rajonit. Përderisa në Shqipëri priten reshje dhe rrebeshe intensive lokale në viset tjera nuk priten reshje të mëdha. Reshje pak më intensive priten në Dukagjin.
Të premtën dhe për fundjavë na pret mot i ndryshueshëm, por jo i ftohtë. Herë pas here priten edhe reshje shiu sidomos në Shqipëri dhe Dukagjin, lokalisht edhe në disa vise tjera. Priten edhe erëra nganjëherë të forta nga jugu sidomos në bregdet dhe viset kodrinore-malore.
Të hënën na pret mot plotësisht i vranët dhe pritet të kemi depërtimin e frontit të ftohtë nga veriu. Priten reshje shiu, ndërsa në viset kodrinore-malore reshje bore. Me uljen e temperaturave reshje bore mund të ketë edhe nëpër disa ultësira të Republikës së Kosovë dhe Maqedonisë së Veriut. Reshje pak më intensive bore priten normalisht në Mal të Zi, por edhe në shumë vise malore të Shqipërisë dhe Maqedonisë së Veriut/MeteoBallkan
