Sot në Kosovë pritet të mbajë mot kryesisht i vranët dhe mjaft jo-stabil. Priten erëra të fuqishme jugore dhe jugperëndimore. Pasdite priten reshje shiu, vende-vende intensive si dhe mundësi për rrebeshe lokalisht të fuqishme shiu me vetëtima dhe bubullimë.
Në Shqipëri pritet të mbajë mot kryesisht i vranët dhe mjaft jo-stabil, me reshje shiu dhe rrebeshe lokalisht të fuqishme shiu me vetëtima dhe bubullimë. Reshjet më intensive priten në veri-veriperëndim të vendit dhe jug-juglindje.
Reshje intensive shiu priten edhe në Mal të Zi, ndërsa në Maqedoninë Veriore dhe Mal të Zi nesër pritet mot i ngjashëm, me vranësira dhe herë pas here me reshje dhe rrebeshe shiu.
Edhe pse do të jetë mot mjaft i paqëndrueshëm ende do të jetë ngrohtë për këtë periudhë kohore për shkak të rrymimeve të fuqishme ajrore nga jugu.
Pasnesër e Hënë na pret mot i vranët dhe herë pas here me reshje shiu. Temperaturat do të fillojnë të pësojnë ulje të ndjeshme dhe erërat do të ndryshojnë drejtim dhe do të fillojnë të fryjnë nga veriu. Gjatë natës në Kosovë, verilindje të Shqipërisë dhe pjesë të Maqedonisë së Veriut priten reshje bore duke përfshirë edhe shumë ultësira.
Të martën na pret mot shumë i ftohtë. Në mëngjes vende-vende me fjolla bore, ndërsa gjatë ditës ftohtë dhe kryesisht thatë./MeteoBallkan
